Ni VT ROMANO
NANGUNA si Tyus Jones, humalili kay Ja Morant at may 24 points, at si Jaren Jackson, Jr., 16 points sa 121-113 win ng Grizzlies kontra bisitang San Antonio Spurs sa Memphis.
Parehong may 15 puntos sina Desmond Bane at Dillon Brooks para sa Memphis, na sa ikalawang sunod ay wala si Morant sanhi ng right thigh soreness.
Top scorer sa Spurs si Tre Jones, 18 points, habang si Josh Richardson ay may 16 points.
Tumapos na may tig-13 puntos sina Romeo Langford at Jakob Poeltl para sa Spurs’ second straight loss at ikalima sa huling six games.
Samantala, nilampaso ng Sacramento Kings ang Orlando Magic, 136-111; New Orleans Pelicans 132-112 win kontra Washington Wizards; at nanaig ang Denver Nuggets sa Los Angeles Lakers, 122-109.
204
